World of Engineering ಎನ್ನುವ ಟ್ವಿಟ್ಟರ್ ಹ್ಯಾಂಡಲ್‌ನಿಂದ “40 ಟನ್ ತೂಕವಿರುವ ಬೃಹತ್ ಲಾರಿಯೊಂದನ್ನು 2000 ದ್ರೋನ್‌ಗಳು ಎತ್ತಿಕೊಂಡು ಹಾರಬಹುದೇ? ಕ್ರೆಡಿಟ್ ಟು ಸ್ಕ್ಯಾನಿಯ ಗ್ರೂಪ್ ಎಂಬ ತಲೆಬರಹದೊಂದಿಗೆ ಸಾವಿರಾರು ದ್ರೋನ್‌ಗಳು ಭಾರೀ ಲಾರಿಯೊಂದನ್ನು ಎತ್ತುವ 10 ಸೆಕೆಂಡ್‌ಗಳ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ. 80 ಸಾವಿರ ಜನ ಅದನ್ನು ನಂಬಿ ಲೈಕ್ ಮಾಡಿದ್ದಾರೆ.
Can you pick up a 40-ton truck with 2,000 drones?
Credit to @ScaniaGroup pic.twitter.com/q2oMBJyStZ
— World of Engineering (@engineers_feed) November 17, 2019
ಸ್ಕ್ಯಾನಿಯ ಅತ್ಯಾಧುನಿಕ ತಂತ್ರಜ್ಞಾನದ ವಾಹನ ತಯಾರಿಕ ಕಂಪನಿಯಾಗಿದೆ. ಹಾಗಾಗಿ ಜನ ಈ ಸುದ್ದಿಯನ್ನು ನಿಜವೆಂದು ನಂಬಿದ್ದಾರೆ. ಸ್ಕ್ಯಾನಿಯ ಕಂಪನಿಯ ಉದ್ಯೋಗಿಯೊಬ್ಬರು ಇದೇ ರೀತಿಯ ವಿಡಿಯೋವನ್ನು ಷೇರ್ ಮಾಡಿದ್ದಾರೆ. 13 ಲಕ್ಷಕ್ಕೂ ಹೆಚ್ಚು ಜನ ಆ ವಿಡಿಯೋ ನೋಡಿದ್ದಾರೆ. ಆ ಕಂಪನಿಯ ಯೂಟೂಬ್‌ನಲ್ಲಿ ಇದೇ ಮಾದರಿಯ ವಿಡಿಯೋ ಸಹ ಇದೆ.
ಆದರೆ ಈ ಸುದ್ದಿ ನಿಜವಲ್ಲ. ಕಂಪನಿಯ ಪುಟದ ಕೊನೆಯಲ್ಲಿ ಫ್ಯುಚರ್ ರೂಂ ಎಂಬ ವೆಬ್‌ಸೈಟ್ ಇದೆ. ಈ ಎಲ್ಲಾ ವಿಡಿಯೋಗಳಿಗೂ ಅದೇ ಆಧಾರವಾಗಿದ್ದು ಅದರಲ್ಲಿ ಈ ವಿಡಿಯೋಗಳು ಭವಿಷ್ಯದಲ್ಲಿ ನಮ್ಮ ಕಲ್ಪನೆ ಹೇಗಿದೆ ಎಂಬುದನ್ನು ತಿಳಿಸುವ ವಿಡಿಯೋಗಳೇ ಹೊರತು ಪ್ರಸ್ತುತ ಇರುವ ತಂತ್ರಜ್ಞಾನವಲ್ಲ ಎಂದು ಬರೆದುಕೊಂಡಿದೆ. ಅಂದರೆ ಈ ಸುದ್ದಿ ಸುಳ್ಳು..
